روز دونات

من طرف **BATISTA** الخميس أبريل 19, 2007 12:43 pm

السلام عليكم ورحمة الله وبركاته

امممم اليوم مطرشتلكم روز دونات .. كانت وحده من الخوات طلبت مني طريقة الدونات وقلتلها طريقة الدونات ترس في المواقع .. وبالتفصيل وبالصور بعد ..لكن مارضت الا اني انا اسويلها مع اني طرشت كذا طريقة جربتها ونجحت ويايه ...

وطلبته من زمان حليلها بس متعايييييييييييزه اني احط الصور والطريقة ..ومن اسبوع منزله الصور ومتعايزه احط الطريقة .. المهم اليوم حطيت الطريقه ولو انها متاخرة وايد مب شويه والسموحه منج..

والحين اتفضلي واتفضلوا طريقة الروز دونات..واتمنى انها تعيبكم

[color=#cc0000]
[color:b267=#cc0000:b267]المقادير

ملعقة كبيرة خميرة فورية
ربع كوب ماء دافيء

كوب ونصف الكوب حليب دافئ

نصف كوب سكر ابيض ناعم
ملعقة صغيرة ملح
بيضتين
1/3 كوب دهن نباتي

خمس اكواب دقيق

الطريقة:

ضعي الخميرة في وعاء وأضيفي الحليب والملح والبيض والسكر والدهن وكوبين من الدقيق ..

اخلطي الخليط على سرعة خفيفة لمدة نصف دقيقة
ارفعي السرعة على المتوسط أضيفي بقية الدقيق تدريجيا حتى تحصلين على عجينة طرية ..

غطي العجينة بفوطة مبلولة أو ببلاستيك واتركيها تتخمر في مكان دافئ نسبيا حتى يتضاعف حجمها..

ضعي العجينة على سطح مرشوش بالدقيق..

رشي العجينة بقليل من الدقيق ثم افرديها وقطعي العجينة بقطاعة الدونت ..

..وانا اخترت شكل ثاني عشان اغير حركة الدونات المألوفه..

وتترك تتخمر مرة اخرى ( نغطيها وتترك ليتضاعف حجمها)

بعد أن تتخمر نجهز مقلاة فيها زيت عميق ويكون حار قبل لا نقلي الدونات ثم نبتدي نقليهم

هني قليت بعض الدونات وجي بيكون شكلها

وعقبها نحط عليه اللي نحبه من خلطات .. والكاكاو اكثر شي محبب عندنا ..وسويت خلطة كاكاو تاليف من عندي وماذكر شو كان .. لاني مسويتنه من قبل 4 شهور لول واتعايزت انزل الصور

وهاي صور الروز دونات بالكاكاو

وهاي صورة مقربة من الروز دونات بالشوكلت

والنص الثاني سويته بالسكر المطحون مع رشة خفيفه من القرفة المطحونه ويا السكر ..يمم لذيذ طعمه بالقرفه ..مع اني ماحب بالسكر.. وممكن تحشونها بالباتسير او الكاسترد او المربى للي يحب